Tuesday, 1 September 2015

ဒါဖတ်ပြီးမှ ဂျပန်ချီရီမန်နှင့် ကီမိုနို ဝယ်ပါ..

 
 
ဒါဖတ်ပြီးမှ ဂျပန်ချီရီမန်နှင့် ကီမိုနို ဝယ်ပါ..

ရန်ကုန်မြို့ကို အလည်အပတ် ပြန်ရောက်စဉ်က နာမည်ကျော် အထည်ဆိုင်ကြီးများနှင့် ကီမိုနို ခေါင်းစဉ်တပ် ဧရာမဆိုင်ကြီးတချို့သို့ ဂျပန်ချီရီမန် မြန်မာပြည်အခေါ် ဝေဖာသားနှင့် ကီမိုနိုရောင်းဝယ်သည့် ဆိုင်များသို့ သွားရောက် လေ့လာခဲ့သည်။

ဗိုလ်ချုပ်ဈေးအတွင်းက နာမည်ကျော် အထည်ဆိုင်ကြီး တခု၏ ဖိတ်ခေါ်မှုကြောင့် လုပ်ငန်းကိစ္စ သွားရောက် ဆွေးနွေးဖြစ်သည်။ မိမိဘက်ကတော့ ဂျပန်မှ ကိုယ်စားလှယ် ရရှိထားပြီး ကိုယ်တိုင်ဖြန့်ချီနေသည့် ဂျပန်ချီရီမန်အထည် Sample စများအား ယူဆောင်ပြသခဲ့သည်။ အဆိုပါဆိုင်မှ ဂျပန်ချီရီမန် အထည်စများမှာတော့ မိမိကိုယ်တိုင် ဂျပန်၌ တကြိမ် တခါမှ မမြင်ဘူး မတွေ့ဘူးသည့် မြန်မာကြိုက် ဒီဇိုင်းမျိုးစုံအား Made in Japan ဟုပြောဆိုကာ မြန်မာနိုင်ငံသားများနှင့် အလှမ်းဝေးကွာသည့် ဈေးနှုန်းကြီးမားစွာဖြင့် ရောင်းချနေသည်ကို တွေ့မြင်ခဲ့ရသည်။
အဆိုပါ ဗိုလ်ချုပ်ဈေးအတွင်းမှ နာမည်ကျော် ဆိုင်ပိုင်ရှင်နှင့် စကားပြောဖြစ်သည်။ ဆိုင်တွင်းမှာတော့ မိမိကုမ္ပဏီထုတ် ဂျပန်အစစ် အထည်စ တစသာ တွေ့ခဲ့ရသည်။ မိမိမှ
ဂျပန်နိုင်ငံရှိ အထည်ဆိုင်များတွင် အများသိရှိပြီးဖြစ်သည့် မိမိကိုယ်စားလှယ် ရရှိသည့် ဂျပန်ကုမ္ပဏီထုတ် အထည်စ၏ အောက်ခြေမှ ဂျပန်စာဖြင့် ရေးသားထားသော 小紋工房 တံဆိပ် အမှတ်အသားအား ပြသပြောဆိုရာမှာတော့ အဆိုပါ ဆိုင်ရှင်မှ ဂျပန်စာဖြင့် ရေးသားလိုလျှင် ထိုင်းစက်ရုံမှ မှာလျှင် ရကြောင်း မထင်မှတ်သည့် စကားဖြင့် ပြောဆိုဆက်ဆံလေသည်။

အဆိုပါ အင်္ဂလိပ် အမည်ဖြင့် ဆိုင်အတွင်းမှ ဂျပန်ချီရီမန် ဆိုသည့် အထည်အများစုကတော့ ထိုင်းနိုင်ငံမှာ ရိုက်နှိပ်ကာ သွင်းယူလာခြင်း ဖြစ်ပြီး ဂျပန်မိတ်အဖြစ် ဈေးနှုန်းကြီးမြင့်စွာ ပြောဆိုရောင်းချနေခြင်းဖြစ်သည်။ မိမိလည်း နင်ပဲငဆ ပြောဆိုလိုခြင်း မရှိသည့် အတွက် စကားဖြတ်ကာ လှည့်ပြန်ခဲ့သည်။
အဆိုပါ ထိုင်းနိုင်ငံထုတ် ချီရီမန်နှင့် ဂျပန် ချီရိမန် ပိတ်စအစစ်များအား နှိုင်းယှဉ် လေ့လာပါက အလေးချိန်နှင့် နှူးညံ့မှုကွာခြင်း ဂျပန်မိတ်အစစ်များအား ဝတ်ဆင်ရာ၌ အေးမြပြီး ကြမ်းတမ်းမှု မရှိခြင်း စသည့် အချက်များ ကွာခြားသည့် အပြင် မြန်မာပြည်မှ ချီရီမန် အစများ၌ Made in Japanဟု ရေးသားထားခြင်းကလည်း စဉ်းစားစရာ အချက်ဖြစ်သလို နောက်ဆုံး ထိုင်းနိုင်ငံထုတ် ချီရီမန် တချို့အစများ၏ အနားသတ်၌ ဂျပန်စာဖြစ်လျှင် ပြီးရော Japan Made (日本製品)ဟု ရေးသားထားသည်ကို လည်းတွေ့ခဲ့ရသည်။

နောက်တခုကတော့ နာမည်ကျော် စင်တာကြီးတခုမှ နာမည်ကျော် ကီမိုနို ဆိုင်ကြီးတခု၌ မိမိဂျပန်နိုင်ငံမှ ဖြန့်ချီရောင်းချနေသော ဂျပန်ကီမိုနိုအား အရောင်လေးမျိုး အတုထုတ်ကာ ဖြန့်ချီရောင်းချလျှက်ရှိသည်။ ဈေးနှုန်းမှာလည်း ကြောက်ခမန်းလိလိပင်။ ထို့အတူ ကိုရီးယားနိုင်ငံမှ မြန်မာတိုင်းရင်းသူ တဦး (အဆိုပါဗိုလ်ချုပ်ဈေးမှ ဆိုင်နှင့် အမည်တူ) မိမိထံမှ ကီမိုအလိပ်များ မှာယူတင်သွင်းပြီး မကြာမှီမှာပင် မိမိ၏ အဆင်များအား မြန်မာကြိုက် အရောင်များဖြင့် အတုမျိုးစုံ ပြုလုပ်ခဲ့သဖြင့် ကိုယ်တိုင် ကိုရီးယားသို့ သွားရောက်ကြည့်ရှုပြီး အများသိအောင် အဆိုပါ အတု Sample အစအချို့ ဝယ်ယူကာ အဆိုပါ အမျိုးသမီးအား သတိပေးခဲ့ရသည်။ ကိုရီးယား၌ မိမိပစ္စည်း အစစ်ရောင်းချသော ဆိုင်(၂)ဆိုင်သာ ဆက်လက်ရောင်းချခဲ့သည်။

ကျွန်တော်များ နှင်းချယ်ရီကုမ္ပဏီ အနေဖြင့် ၂၀၁၄ခုနှစ်က ကျိုက္ကဆံ ကုန်စည်ပြပွဲနှင့် တပ်မတော်ခန်းမကုန်စည် ပြပွဲများတွင် ဂျပန်နိုင်ငံထုတ် ချီရီမန်ဝေဖာသားနှင့် ဂျပန်ကီမိုနိုများအား ဂျပန်နိုင်ငံ ကုမ္ပဏီ အမှတ်တံဆိပ်ဖြင့် သွားရောက်ပြသခဲ့သည်။
ဂျပန်နိုင်ငံမှ တင်သွင်းသည်ဟူသော တခါမှမကြားဘူးသည့် အမည်များဖြင့် ရိုက်နှိပ်ရောင်းချနေသာ ဂျပန်ကီမိုနိုဆိုင်များနှင့် ဂျပန်ချီရီမန် အထည်ဆိုင်များ လာရောက်ပြသခြင်း အလျဉ်းမရှိခဲ့ပေ။
ဂျပန်နိုင်ငံထုတ် ကီမိုနို အများစု၌ Made in Japan ဟုရေးသားထားခြင်း နည်းပါးပြီး သက်ဆိုင်ရာ ကုမ္ပဏီအမည်များသာ ရေးသားထားကြသည်။

ဂျပန်နိုင်ငံအတွင်း ကီမိုနို ဖြန့်ချီရောင်းဝယ်ခဲ့သည့် ၁၅နှစ်တာ ကာလအတွင်း ဂျပန်ကုမ္ပဏီများမှ ဒီဇိုင်း တမျိုးလျှင် အရောင်(၂)မျိုးသာ ထုတ်လုပ်ခြင်းဖြစ်ပြီး တခါတရံသာ မိမိကြိုက်သည့် ဒီဇိုင်းတခုတလေအား ဂျပန်စက်ရုံမှ မီတာ ၂၀၀၀အော်ဒါမှာမှသာ မီတာ၄၀ အလိပ်များအား အရောင်လေးမျိုးအဖြစ် ထုတ်လုပ်ပေးလေ့ ရှိသည်။ တချို့ကုမ္ပဏီများမှ ကီမိုနိုများမှာ အလိပ်ပေါ်တွင်သာ 日本生地使用 ဂျပန်ပိတ်စဖြင့် ပြုလုပ်သည်ဟု ရေးသားထားပြီး အစပေါ်၌ မည်သည့်စာမျှ ရေးသားထားခြင်း မရှိပေ။ Made in Japan ဟု ရေးသားထားတိုင်း ဝါဝါမြင်တိုင်း ရွှေမထင်ပဲ အတုအစစ်ကို ချင့်ချိန်ဝယ်ယူကြရန် အသိပေးလိုသည်။ ထို့အတူ ဂျပန်နိုင်ငံ၌ မြန်မာအကြိုက် အရောင်ရင့် ခရမ်း၊ ရွှေရောင်စသည်များ ထုတ်လုပ်မှု အထူးနည်းပါးကြောင်း အသိပေးလိုသည်။ ဂျပန်နိုင်ငံ ဖြတ်စဆိုင်များမှာ ရောင်းချသည့် ဂျပန်ထိုင်ခုံ အခင်းအရောင်ရင့် အဆင်များအား မပြောလိုပါ။

ဆိုလိုသည်မှာ မြန်မာနိုင်ငံသားများ အနေဖြင့် မြန်မာနိုင်ငံအတွင်း နေရာတကာ၌ အတုများအား အစစ်များပမာ ဈေးကြီးပေး ဝယ်ယူသုံးစွဲ နေရသည်ကို စိတ်မကောင်းဖွယ် တွေ့ရှိခဲ့ရလေသည်။
ထို့အတွက်ကြောင့် Made in Japan ဆိုတိုင်း မိမိတို့ နားမလည်သည့် ဂျပန်စာပါတိုင်း ဂျပန်လူမျိုးတွေ ဝတ်ဆင်မှု နည်းပါးသည့် မြန်မာကြိုက် အရောင်စုံတိုင်း ဝါဝါမြင်တိုင်း ဂျပန်မိတ်ဟု မထင်ပဲ အသေအချာ စီစစ်ပြီး ဂျပန်မိတ်ဟု အာမခံပြီး မည်သည့်နိုင်ငံထုတ်ဖြစ်ကြောင်း ရိုးရိုးသားသား ရောင်းချသည့် ဆိုင်များတွင်သာ ရွေးချယ် ဝယ်ယူနိုင်ကြဖို့အတွက် ဒါဖတ်ပြီးမှ ဂျပန်ချီရီမန်နှင့် ကီမိုနို ဝယ်ပါဟု အသိပေးရေးသားရင်း...
နှင်းချယ်ရီစတိုး..
မြန်မာနိုင်ငံသားများအတွက် ဂျပန်မိတ် ချီရီမန် (မြန်မာအခေါ် ရေခဲသား၊ ဝေဖာသား)များ ဂျပန်ဇာများနှင့် ဂျပန်ကီမိုနို စစ်စစ်များသာ ရောင်းချမည့် ဆိုင်အား မကြာမှီ ရန်ကုန်မြို့အတွင်း ဆိုင်ဖွင့်လှစ်ရောင်းချသွားမှာ ဖြစ်ကြောင်း သတင်းကောင်း ပါးအပ်ပါသည်။
ဆက်သွယ်ရန်
Japan.. JR Yamanote Line Otsuka Eki မှ ၃မိနစ်သာ၊
Room(503) Kita Otsuka 2-11-5 Toshima-Ku Tokyo.
Mobile Phone
080-3562-1812 (Viber, Line Available)
090-4528-6219
ဖုန်းကြိုတင် ဆက်သွယ်ပါရန်
မြန်မာပြည်မှာ လောလောဆယ် ဆက်သွယ်ဝယ်ယူလိုရင်တော့
09450047598 (Viber, Line Available),
095090540 သို့ Japan Made အစစ်များ ဆက်သွယ်ဝယ်ယူနိုင်ပါပြီ။
ကိုရီးယားမှာ ဝယ်မယ်ဆိုရင်တော့
010-2562-3581,010-3309-2253
အောက်က ဓာတ်ပုံတွေမှာတော့ နှင်းချယ်ရီ စတိုးမှ ကိုယ်စားလှယ်ရယူ တိုက်ရိုက် ဖြန့်ချီတဲ့ 小紋工房 တံဆိပ်ပါ ဂျပန်ချီရီမန် ရေခဲသားနဲ့ ဂျပန်ကုမ္ပဏီတံဆိပ်ပါ တစောင်းလက်ပတ် ကီမိုနိုတို့အား ဖော်ပြလိုက်ပါတယ်။

နှင်းချယ်ရီစတိုး
Hnin Cherry Store

No comments:

Post a comment