"နေရာနဲ့လူ"
ရေကန်အသင့် ကြာအသင့် ဖြစ်တဲ့ အရပ်ကို ရှာဖွေနေသူဟာ
ကိုယ်စွမ်းကိုယ်စ ပျောက်နေတတ်တယ်..။
ရောက်ရာအရပ်မှာ ရေကန်တူးပြီး
ကြာပေါက်အောင် စွမးဆောင်နိုင်မှသာ
ကိုယ်စွမ်းကိုယ်စ ပြည့်ဝသူဖြစ်မယ်..။
တခါတခါ ဦးတည်လိုက်တိုင်း အခက်အခဲတွေချည်းပဲ တွေ့နေတော့
ဒီဆောင်ပုဒ်လေးကို နှလုံးသွင်းမိတယ်..။ ကျွန်တော်တို့တွေ ဆုတောင်းခန်းတွေမှာ
လိုအင်ဆန္ဒတလုံးတဝတည်း ပြည့်ဝပါလို၏တို့၊ ကြံတိုင်းအောင် ဆောင်တိုင်းမြောက်ရပါလို၏ တို့
မရှိစကား မကြားရပါလို၏လို့ မကြာခဏ ကြားမိ ဆုတောင်းမိကြမှာပါ..။
နေရာတိုင်း အလွယ်တကူရနေရင် လောကကြီးဟာ ပျော်စရာကောင်းပါ့မလားပဲ..။
အဝေးပြေး လမ်းတွေတောင်မှ ဖြောင့်လွန်းတဲ့ လမ်းတွေဆို အန္တရာယ်များတတ်လို့ အိပ်ချင်ပြေအောင် အကွေ့အကောက်လေးတွေ ထည့်ပေးရသေးတာပဲ..။ သစ်ပင်တောင်မှ တဖြောင့်တည်း ဖြစ်နေရင် အနုပညာမဆန်လို့ ကွေ့ကောက် ရှင်သန်နေတဲ့ သစ်ပင်တွေမှာမှ သဘာဝအလှတရားတွေ ရှိကြတာပါ...။
ဒီတော့ လူ့လောကကြီးမှာလည်း မဖြောင့်မတန်း အကွေ့ကွေ့ ခက်ခက်ခဲခဲ အကွေ့အကောက်တွေ ရှိနေလို့လည်း စိတ်ဓာတ်မကျကြပါနဲ့ ဘဝပေးတဲ့ သင်ခန်းစာတွေ အဖြစ်မှတ်ယူကြတာပေါ့..။ ဒီလို အခက်အခဲတွေကို ရင်ဆိုင်ကျော်ဖြတ်နိုင်မှ ကိုယ့်သင်ခန်းစာတွေကို မျှဝေပေးနိုင်မှာပေါ့ မဟုတ်ဘူးလေလား..။ ခက်ခက်ခဲခဲ ရယူရတဲ့ အောင်မြင်မှုနဲ့ လွယ်လွယ်ကူကူ ရယူနိုင်တဲ့ အောင်မြင်မှု ရေရှည်မှာ ကွာခြားနိုင်ပါတယ်..။ ခက်ခက်ခဲခဲ ရယူနိုင်တဲ့ အတွေ့အကြုံတွေဟာ အခက်အခဲတွေ ကြုံတွေ့လာတဲ့ အခါ ပြန်လည် အသုံးချနိုင်မှာပါ..။
မိတ်ဆွေ အားလုံး ကိုယ်တိုင်တူးတဲ့ ရေကန်မှာ ကိုယ်တိုင် စိုက်ပျိုးခဲ့တဲ့ ကြာပင်လေးတွေကို ကြည့်ပြီး ကြည်နှုးမှုတွေနဲ့ အတူ ဘဝအမောတွေ ပြေပျောက်ဖို့ လေပြည်အေးလေးတွေ ရရှိခံစားနိုင်ကြပါစေ..။
DMWY
No comments:
Post a Comment